දේශීය පුවත්
ඒ ජයග්රහණයේ සතුට විඳගන්න අද ඇය හිටියා නම්.., කුරිරු දිට්වා ජීවිතය උදුරාගත් අයෝධ්යා ගැන ඇසුණු ඒ සංවේදී කතාව මෙන්න..
මේ කියන්න යන්නේ තවත් එක සංවේදී කතාවක්..
ඒ ජයග්රහණයේ සතුට විඳගන්න අද ඇය හිටියා නම්, අයෝධ්යාට ආදරය කරන බොහෝ දෙනා අද ඇයගේ මේ ජයග්රහණයත් එක්ක කම්පාවට පත් වන්නේ ඇය ඔවුන් ළඟ නැති නිසයි.
එදා රටක් හැඩවූ දිට්වා සුළිකුණාටුවේ තවත් එක් ගොදුරක් වුණු ඒ ආදරණීය දියණිය, මෙවර උසස්පෙළ විභාගයට මුහුණ දුන්නේ දිට්වා මාරයා ඇයගේ ජීවිතය උදුරාගන්නට දින කිහිපයකට පෙරයි.
දිට්වා සුළිකුණාටුවෙන් මියගිය කෑගල්ල සාන්ත ජෝශප් බාලිකා විදුහලේ අයෝධ්යා සත්මිණි සිසුවියට මෙවර උසස් පෙළ ජීව විද්යා අංශයෙන් බී සාමර්ථ්ය තුනක් ලැබී විශ්වවිද්යාල වරම් හිමි වී තිබෙනවා. ඒ අනුව ඇය දිස්ත්රික්කයේ 118 වැනියාදායි.
වසර දහතුනක ඇයගේ පාසල් ජීවිතයේ කරන ලද අප්රමාණ කැපකිරීම්වල ජයග්රහණය දකින්නට ඇය අද නැහැ. අයෝධ්යා ඉගෙනුම ලැබූ පාසලේ විද්යාලයාධිපතිනී ගංගානි තිලකරත්න ඇය ලද මේ ජයග්රහණය ගැන පැවසුවේද ඉතා සංවේගයෙන්.
